孤單的心事

原來一切都只係幾年的事，喺當我以為自己一個好好咁慢慢療傷，亦唔再不斷想起你時，先感受到真正孤單嘅紋路，然後我又再不斷想起。

聽住愛的純粹，想起我向你說「我愛你」是很有重量的一句話，我們卻毫不吝嗇地向彼此呼叫過幾十次。如今打開相簿，望住依偎喺我身邊嘅你，嗰個看起來好舒心嘅你，眼耳口鼻都變得陌生。我一直為你痛心，好想知道到底嗰時嘅你，係咪都只係配合我而假扮快樂、假扮舒暢。

當所有強烈嘅情緒淡開，剩下來嘅係平靜嘅等候，若隱若然嘅悲傷。我正在習慣，原來想念一個曾經親近的人，愛著一個陌生人係一個咁孤單的概念。